كل ده اسمه إنسحاب
كل كلمة ليها بعدك
ألف بعد
كل لحظة كان لى فيها
من بحورك ألف مد
كل ما ابعد منك لو ثوانى
راح زمانى جابنى تانى
وكل خطة مــ القلوب
للهروب
رايحة ليك
كل ذكرى وألف ذكرى
من حنانك
تايهه فيك
اعمل ايه
كل دى فترة نقاهة الحل ايه
كل ده اسمه إنسحاب
والا إنجذاب
والا اشتياقى كل لحظة
للى كان واللى كانوا
واللى راحوا و اللى خانوا
عشت فيها بالسكوت
و الألم والذكريات
من سكات
لسـة أعـراض إنســـحابك
من دمايا ،،،، بالآهــــــات
بإحتضــــانى . للى فـــات ،
بإحتضــــارى بالسـاعات
و اختصارى للزمن و للسكون
حتى اللى مات
كل ده اسمه إنسحاب
والا إنجذاب
ولسـة أعـراض إنســحابك
من دمـــــايا ،،،،، بالعذاب
لســـــــة مــش واخــد
على طـــول الغيــاب
شاعر بعدك باغتـراب
لســـة محتاج لحنانـك
حتى لو كل المشاعر
تترسم فوق خدود
وهم وسراب
و لخصامـــك و العتــاب
حتى قلبى كان له يوم
ألف باب
ضخ دمى فى عروق اللى انتحر
فوق السحاب
والشهود على حبى ليك
ألف شوق منى كان مشتريك
كل ده اسمه إنسحاب ،
والا إنجذاب
والا غرق
والا شعورى بالهروب من الكلام
فوق الورق
حلمى الجميل ضاع من ايديا
والا اتسرق
نفسى اكون لك طوق نجاة
من الغرق
نفسى أهرب من الفراق
جــوة منـى ألف غول
من الحنين و الإشــــــتياق
لســــة أعراض إنســـحابك
من دمايا .. إختنــــــاق
ــــــــــــــــــــــ
أ / عبده جمعه
0 التعليقات :
إرسال تعليق