أحكم ياقاضي
زي ماتشوف الحقيقه
بس تسمح لو دقيقه
هيَ كلمه في قلبي لكن
نفسي أقولهالك جريئه
اللي سرق الحلم مني
واللي قتل الفرح فيه
عمره مايكون يوم برئ
والرصاصه مش بريئه
بس أحكم بالحقيقه
اللي كان في إيده نار
بيحرق الشعب اللي ثار
اللي دَبح في الصغار
اللي قتل في الكبار
اللي شربنا المرار
اللي بارك الخطيئه
والخطيئه مش بريئه
بس أحكم بالحقيقه
اللي سرق الحلم مني
رغم انفي وغصب عني
اللي ضيع حلم بكره
اللي سرق الحلم سرقه
اللي قتل أبني وأخويه
اللي عذب قلب أبويه
عمره مايكون يوم برئ
والرصاصه مش بريئه
بس أحكم بالحقيقه
والحقيقه وضحه ليك
أوعى حد يكون شريك
أصلي عمري ماهبقا أهبل
ولا هقبل بالسريقه
بس أحكم بالحقيقه
نفسي تحكم بالحقيقه
0 التعليقات :
إرسال تعليق