عارف في بعدك يا حب عمرى
جـــرى لـي إيــه؟؟
إحساس غريب صعب إني أوصفه
أو حتي أتكلم عليه!!
حاسة بإني أنا تايهة مني
الروح معاك .. هايمة ف هواك
فكرى شارد .. وقلبي مخاصمني
وعيوني سارحة .. مع كل لمحة
كانت بتعشق رقة مشاعرك
لما تـقابلــني
إرجع كفاية ... طال الغياب
انا قلبي مش أد العذاب
ولا انت بتحب العتاب ؟؟!!
طيب موافقة .. أنا أصلي عاشقة
وكل يوم ح ابعت جواب
وأكتب لك فيه :
فينك يا قلبي .. يا كل حبي ؟؟
فايتني ليه ؟؟
بُعدك يا روحى ما أقدر عليه
فهماك يا قلبي مهما تخبي
وعارفة قلبك محتاج لإيه ؟؟
عاوز تحس حبي وحناني
وتشوف في بعدك ..أنا هعمل إيه
أرجوك تفكر بنبض قلبك
وحده اللي عارف إني بحبك
وإني دايما بصون في عهدك
إن كان في قربك .. ولا في بعدك
وكل أملي ياحب عمري
العمر كله أعيشه جنبك
في حضن قلبك .. وبين إديك
ده العمر كله من غيرك إنت
راح يسوى إيه ؟؟
0 التعليقات :
إرسال تعليق