إيه رأيك يا صاحبي ،،،،،
و إيه قولك
لو تلاقي فــ يوم غريب ،،،،،
واحد غريب
بيغزل أحلام على نولك
ويرسم وردة ونظرة و ضمة
ويمكن حتى يشكل ضحكة
تعرف منها
ان ضميره في حالة موت
تقدر تحكم ع اللي يبيعك
انه يشارك فيك الخوف
تقدر ترسم نجمة ليلك
من غير لون
هيا خيانة و مالية الكون
ده لا كان يحلم و لا يتخيل
انه بيقتل فيك الشوف
وتلاقى يا صاحبي
أعز أحلامك
ألمك ،
جرحك ،
وحشك ،
غولك
وتبقى دموعك من غير صوت
في أي مكان بتكون حتنولك
و بتصرخ من جوا سكوت
و أي اتنين ماشين مع بعض
داسوا على قلبك ،،،
زادوا فى جرحك
وما تقدرش تقرب لحظة م الافراح
وبتنهيك كلمة عقبالك
و أي كلام في الحب في أي مكان
بيرددها لسان شيطان
وتثير غيرتك و يا جنونك
بعد ده كله يخونك قلبك
ويراودك عن حبك
حتى حنينك
حتى الدمعة الحلوة
لما بتجري في وحدة ليلك
يمسح عقلك أجمل رسمة
لأسرع موجة في بحور أحلامك
ويبقوا صهاينة عايشين في مؤامرة
كل بنودها تلبس دايما زي العار
و بتحاول بالضحكة الصفرا
أنها تتقرب ،،،،
لجل تكون دايما متغرب
على صبرك و بقايا صمودك
وتعيش ويا العمر يا صاحبي
تخفى دموعك تحت همومك
0 التعليقات :
إرسال تعليق