فى لحظة ضعف
طبقت حدودى ويا زمانى
و نسيتك و نسيت أيامى
و هاجرت
لبحور أوهامي
ولقيتك بتجيني من تانى
حبيتك
ضميتك من فوق أحلامي
جوا ورقتي
حطيتها فى كشكول
و نمت
مقولتش مت
و قطعت الكشكول نصين
و ناديتك لجل ما تختاري
انا بكرة حيكون وياكي
و إلا القسمة إنك تحتاري
والا ميعادنا لسه مجاش
انا حلمى حيكون فى عينكي
والا نصيبنا محققهاش
لكن برضوا للإنصاف
احنا ايامنا معجبهاش
و باعت أحلامنا ببلاش
لحظة
لازم تعرفى اني
بتكون جوا عينكي بشويش
على مهلي
على قد الحلم اللي ندهلي
جواكي
و بَعطر احلامي فى حجرك
تتحقق
بفردها و بنام على صدرك
و بصدق ان انا بهواكي
و الاقيك زى الدقة الدافية
عايشة بقلبى
و اضمك
و بَصدق ان انا وياكي
ايوة انا حر
بطير بجناح
زي جناح الكلمة الخايفة
يمكن عارف يمكن عارفة
ان طريقى فى يوم هياكلني
وان جناحى ضعيف
ميشلش كل الحمل
حتى الحلم اللى رميته بكل جوارحي
يوم على كتفى
فى لحظة ضعف
و مقدرتش أساعدنى فى شيله
ايوة انا عارف انك عارفة
ان انا ريشى ميستحملش
لكن خايف
انه يكون عندك حق
وان احلامنا زي الطير
ملهاش مرسى
ولا حتى بر
ايوة انا فاهم انك فاهمة
ان قدرنا نكون للغير
لكن برضوا حرجع اقولك
انى بحبك
و لا قلبك اقدر انساه
0 التعليقات :
إرسال تعليق