يارب سعي مـا جالي
و الحظ ـ دايما ـ مخـالف
لو اسبح جوة مجالي
بلقىَ ف موجي مخاوف
............................
رسيني يا قلبي و قول
ده الشـر فينا .. طـارح
سلطان وبيلغي عقول
و الخير مالوش مطارح
..........................
و العمر .. بقىَ فـِ الريح
و انفاسي ـ معدودة
مدبــوح و قلبي جــريح
و سكـة .. مسدودة
...........................
و يا بختي ليه نازل
امتىَ حا تعلا لـ فوق ؟!
و لا امتى حاتنـازل
يا حظ .. اصحى وفوق
............................
ياللي انت من ناسي
ليه .. ليّة مش صافي
و ان كنت يوم ناسي
ليه تنسىَ او صافي
............................
دنا كنت ليك .. وحدك
ولا فيّه كان لى شريك
بيّنت ليــه .. جحــدك ؟!
و انا اللى كنت شاريك ..
0 التعليقات :
إرسال تعليق