حبيبى جداً و روحى جداً
لكنه بيموت فى السياسة
إشى ثوار و إشى ميادين
أما طهقت ، زهقت يا ناس
و دى حياتى و عايزة أعيشها
و أكون ملاك بدون مخاطرة
فى عالم التغيير
حبيبى حقوقي مهم جداً
و في السياسة
بيجيد أوى التعبير
أكلمه فى خطوبتنا ،
يقوللي ع التغيير
عليه بشاشة كئيبة جداً
و كل همه أحوال بلدنا
و لما أقوله أنا جوا قلبك
يقولى غزة و حبة سوريا
إيه الغرام ده بتاع الفاصوليا
أنا قررت يا خلق خلاص
أعمل وقفة عن الإخلاص
حستناكم يوم الجمعة فى أى ميدان
،،،،،،،،،،،،،،
منى فتحي
ــــــــــــــــــــــــــــــــ
حبيبتى جداً و روحى جداً
لكن المعادلة يا خلق جنون
و أنا حياتى فى قالب سياسى
و هى حياتها بدون تغيير
إشى مانكير و إشى باديكير
و إشى حركات عايزة التصوير
كل همومها فنون الطبخ و علم الإحصا
تمام يا حبيبتى ،، أنا قررت أعمل وقفة
فى يوم الجمعه لأستكمال أهداف الثورة
عيش ،، حرية
و طبق السلطة ،،، اللى يكون من غير جرجير
هى حياتنا إيه بتكون ،،، أما تكون
زى مناقصة بدون تأثير
زى كلام أصحاب الجبهة
عمك شكشك ،،، و رفيق ليفى
و السيد بدوى ،، و كمان حمضين
و معاهم حبة طراطير
ما تقول يا حسين
ما تخلينى أعيش لو حبة
من أجل ضحايا التغيير
،،،،،،،،،،،،،،،،،
عبده جمعه
ــــــــــــــــــــــ
0 التعليقات :
إرسال تعليق