احنا شعب وانتوا شعب
احنا خدنا العفه رايه
والشرف مبدأ وغايه
وانتوا شعب من العرايا
واعتبرتوا الجنس حب
احنا شعب وانتوا شعب
احنا ناس طالبين سلام
عدل ..رحمه ..مش كلام
انتوا ناس رافعين سلاح
واحنا ناس بنقول يارب
احنا شعب وانتوا شعب
مصر بالنسبالنا ازهر
مصر فى القرآن كنانه
مش مجرد اوضه تسهر
فيها بين احضان فلانه
مصر يوسف والخليل
ارض ربى وهبها نيل
احنا عايزين خيرها ليها
وانتوا نازلين فيها نهب
احنا شعب وانتوا شعب
احنا شعب المؤمنين
بالكتاب ورسول أمين
غيرنا رب العزه قاله
ليكو دين ولينا دين
احنا ايوا تابعين
للنبى الهادى الامين
قولى انتوا فكركم
رأيكم ..تابع لمين
احنا سجده تزيل همومنا
او جلسه وسط الصالحين
وانتوا رقص وليل ومغنى
وسط حبة مخمورين
احنا بتزورنا الملايكه
وانتوا شلة شياطين
احنا شعب وانتوا شعب
احنا ندعو للايمان
تتفتح لينا السجون
وانتوا تدعو للشيطان
والزنا ....وللمجون
عشان يعيش امثالكوا لازم
نتقتل من غير ذنوب
احنا شعب وانتوا شعب
لحظه
قولى مين كفر فى مين
مين فتى بالقتل فيها
اللى فوق دماغه بطحه
لازم بيحسس عليها
0 التعليقات :
إرسال تعليق