أنا الشهيد مصري
شهد ألميدان نصري
يوم ثورة ألملايين
قهرت ألذل يا بلادي
عشان أهلي
يعيشوا حرين
دفعت المهر من دمي
ولا همي عشان شعبك
يا نور العين
شال ألميدان جسمي
وسأل ألتاريخ ما سمي
يكتب مع الخالدين
رديت شهيد مصري
الكوبري كان جسمي
عبر عليه ملايين
وقبل ما تكتب ..؟؟
أكتب وما تداري
عن كل ما جرا لي
في عهد ناس خاينين
نهبوا أوطاني
وسابونا بنعاني
م الفقر مش لا قيين
حرية سلبوها
والذمة خربوها
وألام قهروها
والقمة محتكرين
مصانعنا باعوها
وعنا مش سألين
قالوا مصر دي تكية
والناس فيها رعيه
وهُمَّ لها مالكين
سأل التاريخ ما اسمي
يكتب مع الخالدين
قلت له من تاني
قبل اسمي وعنواني
سجل كمان ليا
كان فيه هنا ولية
شغالة في تكية
و ألابن قال هيه
تركة أبويا ليه
وإحنا لها وارثين
طلعتوا أغبية
د مصر مش دي
ولـولادها مش فاهمين
د كلام ملوش معني
نسمعه يوجعنا
عشان كده طلعنا
من بدري ع الميادين
في وش الظلم وصرخنا
ع الخونة و الفاسدين
لا خوفنا جمال ها تهرسنا
ولا رصاصهم في جوا العين
كتبنا بدم شهدائنا
علي وجوهنا
نهاية دولة ألملاعين
فداكي يا مصر أرواحنا
ولون علمك علي الخدين
سأل التاريخ تاني
عن أسمي وعنواني
يكتب مع الخالدين
قلت ألشهيد مصري
شهد ألميدان نصري
يوم ثورة ألملايين
عنواني غير حصري
لا بيتي ولا قصري
عنواني في التحرير
0 التعليقات :
إرسال تعليق