الرئيسية » , » مش هاستناك ، بقلم / منى فتحي

مش هاستناك ، بقلم / منى فتحي

Written By قطرة عطر للكاتب عبده جمعه on الجمعة، 27 سبتمبر 2013 | 7:13 ص

انا رايحة ومش ح استناك

وح افوتك للخوف جواك

يا مشرق وأنا حلمي مغرب

يا تجمع شملك وتقرب

يا ح يهرب من قلبي هواك

وح فوتك مش ح أستناك

لو عاوز حضني يدفيك

او قمري ينور لياليك

أهرب مـ الخوف اللي ماليك

مـ القلق الباين فـ عنيك

قربني لقلبك بأديك

خاليني أحس أن أنا ليك

أنا أصلي تعبت أستناك

وأترجي فـ قلبك وهواك

وأتحمل صدك وجفاك

يالي من حبي بتتهرب

يا تجمع شملك وتقرب

يا ح يهرب من قلبي هواك

و ح فوتك مش ح أستناك

0 التعليقات :

إرسال تعليق

 
جميع الحقوق محفوظة مدونة قطرة عطر للكاتب عبده جمعه
تركيب أمل جمال النيلي