مش هاستناك ، بقلم / منى فتحي

انا رايحة ومش ح استناك

وح افوتك للخوف جواك

ليه مشرق وأنا حلمي مغرب

يا تجمع شملك وتقرب

يا ح يهرب من قلبي هواك

وح فوتك مش ح أستناك

لو عاوز حضني يدفيك

او قمري ينور لياليك

أهرب مـ الخوف اللي ماليك

مـ القلق الباين فـ عنيك

قربني لقلبك بأديك

خاليني أحس أن أنا ليك

أنا أصلي تعبت أستناك

وأترجي فـ قلبك وهواك

وأتحمل صدك وجفاك

يالي من حبي بتتهرب

يا تجمع شملك وتقرب

يا ح يهرب من قلبي هواك

و ح فوتك مش ح أستناك